Layihə haqqında
Speakday müxtəlif ölkələrdən olan insanları ingilis dilində canlı danışıq üçün birləşdirən platformadır. İstifadəçi sessiyaya yazılır, sistem onu avtomatik olaraq başqa ölkədən olan iştirakçı ilə 1-ə-1 eşləşdirir və onlar 25 dəqiqə canlı danışırlar. Hər sessiyadan əvvəl hazırlıq bölməsi (ifadələr, lüğət, qrammatika məsləhətləri), sonra isə süni intellekt analizi təqdim olunur: hər cümlə qiymətləndirilir, səhvlər düzəldilir, istifadəçi öz CEFR səviyyəsini və öz söhbəti əsasında hazırlanmış testləri görür. Platforma moderatorsuz, tam avtonom işləyir.
Layihəni Bakıda azərbaycanlı komanda qurub və platforma 3 ildən artıqdır fəaliyyət göstərir. 12 000+ qeydiyyatlı istifadəçi var; 20-dən çox istifadəçi 100-dən artıq söhbətdə iştirak edib, ən fəal istifadəçi 847 dəfə danışıb. Komanda İnnoland İnkubasiya və Akselerasiya Mərkəzinin rezidentidir, Microsoft for Startups, AWS və NVIDIA Inception proqramlarına qəbul olunub.
Layihənin linki
speakday.com
Digər linklər
Instagram
Youtube
Linkedin
TikTok