Layihə haqqında

**İxtisas Seç (sec.az)** — Azərbaycanda abituriyentlərin ali təhsil müəssisələrinə ixtisas seçimini daha məlumatlı, sistemli və əlçatan şəkildə həyata keçirmələrinə kömək etmək məqsədilə yaradılmış rəqəmsal təhsil platformasıdır. Layihənin əsas məqsədi abituriyentlərin ixtisas seçimi zamanı qarşılaşdıqları məlumat çatışmazlığını azaltmaq, seçim prosesini sadələşdirmək və təhsil imkanları haqqında məlumatları vahid platformada birləşdirməkdir. Platforma vasitəsilə istifadəçilər ali təhsil müəssisələri, ixtisaslar və qəbul göstəriciləri haqqında məlumatlarla tanış ola, seçimlərini müqayisə edə və maraqlandıqları ixtisasları seçilmişlər siyahısında saxlaya bilərlər. iOS və Android əməliyyat sistemləri üçün hazırlanmış mobil tətbiq abituriyentlərə istənilən məkandan və istənilən vaxt ixtisas seçimi ilə bağlı məlumatlara rahat çıxış imkanı yaradır. İxtisas Seç - layihəsi təhsildə rəqəmsallaşmanın inkişafına, informasiya əlçatanlığının artırılmasına və gənclərin gələcək təhsil istiqamətlərini daha əsaslandırılmış şəkildə müəyyənləşdirmələrinə töhfə verməyi hədəfləyir.