Layihə haqqında

SmartAbituriyent — qəbul məlumatlarını (keçid balları, plan yerləri, trendlər) 2021–2024 üzrə vahid bazada birləşdirən, seçim prosesini analitika ilə dəstəkləyən mobil tətbiqdir. İstifadəçi qrupuna uyğun ixtisasları süzür, son illərin dəyişikliklərini görür, 15 ixtisas siyahısı tərtib edib müqayisə edir, nəticəni QR-kodlu PDF kimi çıxarır. OTP ilə təhlükəsiz giriş və lokal dildə sadə UX valideyn–abituriyent tandeminə fokuslanır.Hazırkı durum: Android üçün tətbiq yayımdadır (APK paylanır), “Kolleclər” bölməsi aktivdir, WhatsApp bot və rəsmi kanal vasitəsilə tez-tez verilən suallara cavablanır. 2021–2024 məlumatları tamdır, 2024 trendləri ilə birlikdə təqdim olunur; real seçim dövründə pilot istifadələrdən keçib və geribildirimlə optimallaşdırılıb.İndi nədir (dəyər): SmartAbituriyent abituriyent və valideynləri vasitəçilərdən asılılıqdan çıxarır: artıq növbəyə yazılmır, iri məbləğlər ödənilmir, manipulyativ “məsləhət”lərlə aldadılmırlar. Bütün addımlar şəffaf analitika, dəqiq müqayisələr və yerli kontekstə uyğun tövsiyələrlə aparılır — qərar təsadüfdən çıxıb ölçülə bilən, əsaslandırılmış mərhələyə keçir.