Layihə haqqında

E-Həkim – Azərbaycan dilində fəaliyyət göstərən, süni intellektlə dəstəklənən innovativ mobil səhiyyə tətbiqidir. Tətbiq istifadəçilərə öz simptomlarını analiz etdirmək, yaxınlıqdakı aptek və tibb müəssisələrini xəritə üzərindən tapmaq, dərman qəbul xatırlatmaları qurmaq, eləcə də tibbi suallarını təqdim edib süni intellekt vasitəsilə cavab almaq imkanı yaradır. E-Həkim həmçinin istifadəçilərə analiz və resept nəticələrini şəkil şəklində paylaşmaq və müzakirə etmək funksiyasını təqdim edir. Sistem ChatGPT əsaslı tibbi analiz modulu, OCR texnologiyası ilə sənəd tanınması, və offline rejimdə işləyən xatırlatma sistemi kimi texnoloji üstünlükləri ilə seçilir. Layihənin məqsədi — hər bir istifadəçiyə şəxsi rəqəmsal sağlamlıq köməkçisi təqdim etmək və səhiyyəyə çıxışı daha sürətli, sadə və rahat etməkdir. E-Həkim hazırda ilkin mərhələdədir və tətbiq üzərində təkmilləşdirmə və yeni funksiyaların əlavə olunması prosesi aktiv şəkildə davam edir.