Layihə haqqında

“Standartlaşdırma, metrologiya, akkreditasiya və patent hüququ obyektlərinin mühafizəsi sahələrində idarəetmənin təkmilləşdirilməsi ilə bağlı əlavə tədbirlər haqqında” Azərbaycan Respublikası Prezidentinin 10 fevral 2017-ci il tarixli 1234 nömrəli Fərmanın ilə Azərbaycan Respublikasının Standartlaşdırma, Metrologiya və Patent üzrə Dövlət Komitəsinin idarəçiliyində “Azərbaycan Standartlaşdırma İnstitutu” publik hüquqi şəxsi yaradılıb. “Azərbaycan Respublikasının İqtisadiyyat Nazirliyinin funksiyalarının və strukturunun genişləndirilməsi haqqında” Azərbaycan Respublikası Prezidentinin 23 oktyabr 2019-cu il tarixli 845 nömrəli Fərmanı ilə Azərbaycan Respublikasının Antiinhisar və İstehlak Bazarına Nəzarət Dövlət Agentliyi müvafiq dövlət xidməti statusunda Azərbaycan Respublikasının İqtisadiyyat Nazirliyinin strukturuna daxil edilmiş və həmin Fərmanla “Azərbaycan Standartlaşdırma İnstitutu” publik hüquqi şəxsi Nazirlik yanında Antiinhisar və İstehlak Bazarına Nəzarət Dövlət Xidmətinin tabeliyinə verilib. Milli standartlaşdırma qurumu 2023-cü ildə yeni internet portalını ictimaiyyətə təqdim elədi. İnternet portalında bir sıra həllər öz əksini tapıb. Bunlardan biridə sayta inteqrasiya olunmuş e-standart.gov.az portalıdır. Bu portal Azərbaycan Standartlaşdırma İnstitutu tərəfindən yaradılmış standartların elektron satış platformasıdır. Burada maraqlı tərəflər qeydiyyatdan keçməklə standartları onlayn şəkildə əldə edə bilərlər. Onlayn satışları, təhlükəsiz ödəniş emalını və sifarişlərin idarə edilməsini təmin etmək üçün elektron satış platformasından istifadə məqsədəuyğundur. Bununla yanaşı saytda digər rəqəmsal həllər də öz əksini tapıb.