Milli Internet Mükafatı - Milli Net Azərbaycan İnternetinin hərəkətverici qüvvəsidir

XƏBƏRLƏR VƏ ELANLAR

12.08.2009

AİF-un növbəti toplantısı keçirilib.

Azərbaycan İnternet Forumunun toplantısında Milli İnternet Müsabiqəsinin keçirilməsi ilə bağlı məsələ müzakirə olunub. Müsabiqənin Əsasnaməsinin son variantı, Müsabiqənin saytını ilkin variantı təsdiq olunub.

Əsasnaməyə görə Müsabiqənin hər ilin sonunda keçirilməsi nəzərdə tutulur. 11 nominasiya üzrə keçiriləcək Müsabiqədə  ancaq Azərbaycandilli  versiyası olan  resursların iştirakı, eyni zamanda,  Müsabiqənin qaliblərinin  İnternet istifadəçilər tərəfindən deyil,  ancaq Münsiflər Heyəti tərəfindən qiymətləndirilməsi nəzərdə tutulub.

Əsasən internet peşəkarlarından və mütəxəssislərdən ibarət olmaqla formalaşdırılacaq Münsiflər Heyəti üzvlərinə hər hansı aidiyyatı olan saytların Müsabiqədə iştirakına yol verilmir.

Toplantıda  sosial əhəmiyyətli resurslara AİF tərəfindən diqqətin artırılması istiqamətində müzakirələr aparılıb. Veb ustalar arasında biliklərin paylaşmasına  xidmət edəcək www.webusta.info saytına AİF tərəfindən dəstək verilməsi məqsədəuyğun hesab edilib

AİF toplantısında həmçinin informasiya texnologiyaları sahəsində Azərbaycan dilinin tətbiqi sahəsində problemlərin hələ də qaldığı  qeyd olunub.  Bir sıra  adi İKT terminlərinin müxtəlif nəşrlərdə və reklam lövhələrində   fərqli formada yazılması  faktlarının mövcud olduğu  bildirilib. Toplantıda bununla  bağlı əlaqədar qurumların və ekspertlərin iştirakı ilə geniş ictimai müzakirənin keçirilməsi məqsədəuyğun hesab edilib.

AİF
Tel :    492-44-44
Veb:   www.aif.az
E-mail: info@cit.az

Milli Net

Təşkilat Komitəsi

www.millinet.az